點樣先可以將忌廉蘑菇湯煮得綿滑又唔起「粒粒」？

除咗記得要係倒湯料入煲後，用湯匙壓爛忌廉湯，仲有一個秘訣，就係要用凍水嚟開，因為湯內含有澱粉質，如果水溫高過60度，澱粉微粒就會難以溶解，容易出現結塊，影響最後嘅口感!

想口感更滑仲可以喺最後加入少量淡奶或鮮奶，香滑層次瞬間提升！

煮意粉點樣預意粉同水嘅份量？

有冇發覺每次煮意粉都會煮多咗，又唔知落幾多水好？

金寶湯提提你，一個 5 蚊銀大細揸住一紮意粉就等於一人份量。而煮一人份量嘅意粉，都記住用個高身大煲去煮，先可以 Keep 住 「1 公升水：100 克意粉」呢個黃金比例，水要蓋過意粉，意粉先有足夠空間打滾唔會黐埋一齊㗎！

意粉最緊要彈牙！ 意粉易煮，但係煮得好食就唔係咁易……

想意粉要彈牙有嚼勁，亦即係意大利人所講嘅Al Dente，就要學吓以下 5 個秘訣喇！

1️. 水高蓋過意粉，水同意粉嘅比例係 1:1（ 1 公升水落 100 克意粉）。
2️. 水滾前落鹽同橄欖油，水滾落意粉，記得要 Keep 住攪拌。
3️. 留返意粉水，煮醬汁更濃稠。
4️. 按個別包裝時間烹調，預留1分鐘同醬汁一齊煮。
5️. 即刻食唔使過冷河！

相機食先！

一日三餐都可以簡單煮餐好！煮完碟意粉，梗係要放上網呃個 Like ，即睇以下 3 大貼士，擺盤更好睇！

1. 放意粉時轉碟。
2. 先放意粉，後放配料。
3. 意粉旁邊用醬汁做裝飾。